დღეს წმ. ილია თეზბიტელისა და წმ. ილია მართლის ხსენების დღეა..forever.ucoz.es -ს ადმინისტრაცია ულოცავს სრულიად საქართველოს ამ ბრწყინვალე დღესასწაულს.

საქართველოს კათოლიკოს-პატრიარქი, უწმინდესი და უნეტარესი ილია II სადღესასწაულო წირვას ყოვლადწმინდა სამების საკათედრო ტაძარში აღავლენს.

ილია თეზბიტელი მაშინ ცხოვრობდა და მოღვაწეობდა, როცა ჭეშმარიტი ღმერთი მიივიწყა ისრაელის ერმა. ხალხი განუდგა მას -კერპის თაყვანისცემა დაიწყო. წმინდანი ამხელდა განდგომილებას და ყველას არწმუნებდა, რომ ჭეშმარიტი შემოქმედი მხოლოდ ის არის, ვისაც მუდამ ეთაყვანებოდა ებრაელობა. სასწაულთმოქმედი იყო: მან ღვთისგან ცეცხლი გამოითხოვა და სწორედ იმ ცეცხლით დაწვა საკურთხეველზე მსხვერპლი".

ეკლესიის სწავლებით, იგი მეორედ მოსვლის წინ ანტიქრისტეს სამხილებლად წმინდა წინასწარმეტყველ ენოქთან ერთად უნდა მოვიდეს და ხორციელი სიკვდილიც დაითმინოს. საეკლესიო გადმოცემით, წმინდა ელიას ხალენი სვეტიცხოვლის ტაძარში, წმიდა ელია წინასწარმეტყველის სახელობის ეკვდრეშია დაფლული.
როცა ილია ჭავჭავაძემ საგურამოში სამსართულიანი შენობის მშენებლობა დაამთავრა, გადაწყვიტა, თავისი სახელობის დღე, ილიაობა, ყოველწლივ აღენიშნა 2 აგვისტოს (ძვ. სტილით 20 ივლისს).

ილიაობა დღეს, დილაადრიანად მწერალს, უწინარესად, საგურამოელი და მეზობელი სოფლების გლეხები ეწვეოდნენ ხილითა და ვარდ-ყვავილებით ხელდამშვენებულები, გულთბილად ულოცავდნენ ზეიმს და ჯანმრთელობას უსურვებდნენ. მერე იქვე ჩამოდგებოდნენ, რომ კეთილ მასპინძელთან ერთად შეხვედროდნენ ახალმოსულებს.

ილიაობას ზეიმობდა მთელი ხალხი, იმართებოდა ცეკვა-სიმღერები, ქართული ჭიდაობა, იყო ხევსურული..